Хирургиялық қызмет орталығы

Кунышбеков А.С.
бөлімше меңгерушісі

Ауруханада 2009 жылы хирургия бөлімшесінің меңгерушісі, доцент Н.К. Қазыбаевтың басшылығымен хирургия орталығы құрылды, оның құрамына стационардың хирургиялық бағыттағы бөлімшелері және емхананың хирургиялық бағыттағы мамандары кірді. Ауруханада хирургия, гинекология, уронефрология бөлімшелері, травматология, ортопедия, нейрохирургия және вертебрология бөлімшелері және интенсивті кардиология, офтальмология, операция бөлімшесі жұмыс істейді. Хирургтер, гинекологтар, урологтар, травматолог-ортопедтер, отоларингологтар, офтальмологтар, нейрохирург-вертебрологтар, онкологтар, маммологтар, ангиохирургтер, проктологтар, кардиохирургтер, интервенционистер, трансфузиологтар жоғары білікті хирургиялық көмек көрсетеді. Қиын жағдайларда басқа қалалар мен елдердегі мекемелерден консультанттарды шақырту мүмкіндігі бар. Қазіргі уақытта хирургиялық бағыттағы бөлімшелерде асқазанға, өт жолдарына, ұйқы безіне, жуан ішекке, қалқанша безге, сүт безіне (соның ішінде эндопротездеу бойынша пластикалық операциялар) күрделі қалпына келтіру және онкологиялық операцияларды қоса алғанда операциялық әрекеттердің барлық көлемі орындалады. ҚР ПІБ МО ОКА хирургия бөлімшесі аз жарақаттайтын эндобейнехирургиялық операцияларды қолдану бойынша алдыңғы орында. Орталық дәрігерлері жоспарлы және шұғыл хирургиялық көмек көрсету бойынша тәжірибеге бай, әлденеше рет Ресей, Израйль, Корея, Германия, АҚШ-тың ең мықты клиникаларында сынақ ісінен өтті. Соңғы екі жылда қазіргі заман талаптары мен медицинаның даму үрдістерін есепке ала отырып, жабдықтарға техникалық жаңғырту жүргізілді. Acuson S2000 экспертті класты сандық УД-жүйесі, С-доғасы бар жылжымалы рентген құрылғысы, жаңа лапароскопиялық жүйелер, аргон-плазмалық коагуляцияға арналған электрокоагуляторлар, Covidien фирмасының LigaSure құралы, операциялық микроскоп сатылып алынды. Заманауи талаптарға сай автономды желдету жүйесімен, жарықпен жарақтандырылған операциялық блог қалпына келтірілді. Ауруханада жаңа медициналық технологиялар қолданылады. Бүгінде эндобейнехирургиялық операциялар ауруханада жүргізілетін барлық операциялардың 50%-ын құрайды. Түрлі жарықтарды емдеу кезінде заманауи аллопластикалық материалды қолдану жасалатын операциялардың сапасын едәуір арттыруға және жарықтың қайталануын болдырмауға мүмкіндік береді. Бөлімшеде сүт безіне проктологиялық, тамырлық, онкологиялық операциялар, құрсақ және кеуде қуысына лапароскопиялық және «дәстүрлі ашық» операциялар жасалады. Жіті аппендицит, шап және кіндік жарығына лапароскопиялық операциялар, жуын ішекке лапароскопиялық операциялар, онкопатология кезінде қуыққа пластикалық операциялар, аяқ-қол тамырларына, ұйқы артериясына, аяқ күре тамырларының варикозды ұлғаюына операциялар жасалады. Сондай-ақ түрлі хирургиялық ауруларға консервативті ем, соның ішінде гемодиафильтрацияның тиімді әдісін қолдана отырып, жіті пакреатитті емдеу. Перифериялық артерияға диагностикалық зерттеу, баллонды ангиопластикасы бар ангиография жүргізіледі.

Бөлімше меңгерушісі:

А.С. Қуанышбеков – хирургия жөнінде жоғары санатты дәрігер, медицина ғылымдарының кандидаты

Бөлімше қызметкерлері:

Г.Н. Успанова – ординатор, хирургия жөнінде жоғары санатты дәрігер, медицина ғылымдарының кандидаты

Г.Н. Хорошаш – ординатор, онкология жөнінде жоғары санатты дәрігер

М.А. Садыбеков – ординатор, хирургия жөнінде жоғары санатты дәрігер

С.С. Аманбаев – ординатор, медицина ғылымдарының докторы, хирургия жөнінде жоғары санатты дәрігер

Р.Р. Зайнидинов – дәрігер-хирург, хирургия жөнінде жоғары санатты дәрігер

Б.Т. Байғазиев – дәрігер-хирург

И.В. Попов – дәрігер-проктолог, проктология жөнінде жоғары санатты дәрігер