Уронефрология бөлімшесі

Искаков Әлібек Ибрагимұлы
бөлімше меңгерушісі
жоғары санатты дәрігер денсаулық сақтау ісінің үздігі
м.ғ.к.

Бөлімшеде Германияның, Израйльдің, Ресейдің алдыңғы қатарлы клиникалары базасында әлденеше рет оқудан өткен, уронефрология сипатындағы мәселелерді шешуде мол тәжірибесі бар білікті мамандар жұмыс істейді. Бөлімшенің техникалық жарақтануы уронефрологиялық сипаттағы барлық мәселелерді шешумен айналысуға мүмкіндік береді.

Медициналық техника, соның ішінде уронефрологиялық жабдықтарды өндіруде әлемдік көшбасшы болып табылатын Stors Medical Модулит SLX-F-2, Dornier Medical H гольмилі лазер, «Kari Storz» эндоскопиялық жабдық бар.

Бөлімше мынадай уронефрологиялық мәселелерді шешумен айналысады:

  • несептас ауруы; кез келген мөлшердегі және кез келген жерде орналасқан бүйректегі тас және зәрағар;
  • зәр шығарудың бұзылуы кезіндегі аурулар; қуықасты безі аденомасы, қуық мойнағы склерозы, үрпі құрылымы, қуықтағы тас;
  • келген мөлшердегі және кез келген жерде орналасқан бүйрек жылауығы;
  • қайталанған белсіздік;
  • варикоцеле (шоқтанған өрімді венаның варикозды ұлғаюы);
  • эректильді дисфункция (қауқардың әлсіреуі);
  • аталық без қабығы шемені, атабез қосалқысы жылауығы;
  • фимоз;
  • қуық папилломасы және ісігі, зәр шығару каналы полиптері;
  • созылмалы простатит (фиброзды конгессивті, бактериялы, абактериялы);
  • жыныс жолы арқылы берілетін аурулар (хламидиоз, микоплазмоз, уреаплазмоз, гарднереллез және т.б.);
  • созылмалы және жіті цистит;
  • созылмалы пиелонефрит;
  • созылмалы гломерулонефрит.

Дәстүрлі операциялар:

  • контактылы және қашықтан басқарылатын литотрипсия (конкременттерді үгіту);
  • аденоэктомия;
  • нефрэктомия;
  • нефропексия;
  • қуықты катетерлеу;
  • үрпіден полипті алып тастау;
  • қуықтан полипті алып тастау;
  • циркумцизия;
  • енбау венасы резекциясы;
  • аталық без қабығы шемені кезіндегі операция.

Эндоскопиялық операциялар:

  • уретроскопия;
  • конкременттерді лазерлі контактылы литотрипсия;
  • қуық асты безін (ТУР) соның ішінде үлкен мөлшерін резекциялау;
  • қуық асты безі аденомасын лазермен емдеу;
  • ішкі дренаждаушы катетерді (стент) орнату;
  • оптикалық уретротомия;
  • нефростомия;
  • варикоцелені лапороскопиялық емдеу.

Бөлімшеде нағыз заманауи емдеу-диагностикалау жабдықтарын пайдалана отырып, көптеген инновациялық әдістерді қолданады. Несептасты ауруларды емдеу үшін литропсия әдісі қолданылады. Несептасты ауру (НТА) – бүйректе және басқа да зәр шығару жүйелері органдарында тастың жиналуынан пайда болады. Бұл биофизикалық феномен, нәтижесінде несепте, әсіресе оның жоғары тығыздығы кезінде кристаллдар пайда болады, олардың бірігуі мен өсуі зәр шығару органдарының құрылымы мен қызметінің бұзылуына алып келеді. НТА ең көп тараған урологиялық аурулардың бірі болып табылады, ол әлемде бүйрек пен несеп-жыныстық жолдары ауруларының қабынбалы спецификалық ауруларынан кейінгі екінші орында және халықтың 3-5%-ы, соның ішінде еңбекке қабілетті 20-50 жас аралығындағы адамдарда жиі кездеседі және урологиялық стационардың барлық тіркелген құрамының 30-40%-ын құрайды. Қашықтан басқарылатын литотрипсия (ҚЛТ) соңғы үлгіде жасалған «Stors Medical Модулит SLX-F-2 литотриптер» литотриптерде және контактылы литотрипсия неміс фирмасының ең жаңа «Карл Шторц» және «Dornier Medical H» голмилі лазер эндоскопиялық жабдықтары көмегімен жүргізіледі, ол несеп шығару жолдарындағы тастарды контактылы литотрипсия арқылы алып тастауда тиімді болып келеді.

ИННОВАЦИЯЛЫҚ ҚАДАМ

Екі жақты фокус – спецификалық талаптарда қолданылатын соққылы толқындар: литотрипсия тарихында алғаш рет литотриптер фокусы мөлшерін жеке анатомиялық жағдайларға бейімдеу мүмкін болып отыр. Емдеу көрсеткіштеріне байланысты үлкен немесе кіші фокусты таңдауға болады. Осылайша соққылы толқын аймағын терапия нәтижелерін оңтайландыру үшін тастардың түрлі мөлшері мен орналасуына қолдануға болады.

Бөлімше меңгерушісі:

Искаков Әлібек Ибрагимұлы – жоғары санатты дәрігер, медицина ғылымдарының кандидаты, денсаулық сақтау ісінің үздігі

Бөлімше қызметкерлері:

А.К. Бегалин – жоғары санатты дәрігер-уролог, м.ғ.к.

Р.С. Айтбаев – дәрігер-уролог