Дәрігерлер кешені бірлестігі

Қасенова Зәуреш Амангелдіқызы
бөлімше меңгерушісі
жоғары санатты дәрігер.

Дәрігерлер кешені бірлестігі (ДКБ) 1998 жылдан бастап жұмыс істейді. ДКБ құрамында учаскелік мейірбикелер мен бригадирден тұратын – үйде жедел мейірбикелік көмек көрсету бригадасы – бөлімше ұйымдастырылды. Бұл бөлімше үйдегі емделушілерге, әсіресе кешенді профилактикалық тексеру (КПТ) және ДКБ мамандарының күшімен үйде стацинарды ұйымдастыру кезінде сапалы және дер кезінде мейірбикелік көмек көрсетуді қамтамасыз етуі тиіс.

Бірлестік тіркелген құрамға, соның ішінде мемлекеттік қызметшілерге кешенді амбулаториялық-емханалық көмек көрсетеді, медициналық көмектің қолжетімділігі мен жоғары сапасын қамтамасыз етеді.

  • Отоларинголог кабинеті емдік емшаралар көрсететін соңғы үлгідегі Лор-комбайнмен жабдықталған;
  • Офтальмолог кабинеті көздің көргіштігін компьютерлік анықтауға арналған – авторефрактометрмен, көз ішінің қысымын бірден анықтауға арналған – автоматты байланыссыз тонометрмен, көру аясын анықтауға арналған – автоматты периметрмен жабдықталған;
  • Гинеколог кабинетінде заманауи сандық кольпоскоп бар.

Бөлімшеде 89 жоғары білікті қызметкер жұмыс істейді, оның 31-і – дәрігер, 40-ы – мейірбике.